ތަޢުލީމް ފެށިގެން އައިސްފައިވަނީ 1978 ގައި މަކްތަބުލް އިރުސާދުގެ ނަމުން ސަރުކާރުން ނެގި ހާއްޞަ ހުއްދައެއްގެ ދަށުންނެވެ. ކިޔަވައިދެއްވީ ހިލޭ ސާބަހަށް އޭރުގެ ބޮޑުކަތީބު އުމަރު މޫސާ އާއި ކުޑަކަތީބު އިބްރާހިމް މޫސާ އާއި މުދިމު އަބްދުއްރަޙީމް އުމަރު އެވެ. ކިޔަވަދެވިފައިވަނީ އިސްލާމް ދީނާއި ގުޅުންހުރި އިލްމާއި ދިވެހި ، އަރަބި އަދި ހިސާބު އޭރުގެ ފެންވަރަށެވެ.ކިޔަވައި ދެވުނީ 20 އާއި 25 އާއި ދެމެދުގެ އަދަދެއްގެ ކުދިންނަށެވެ. 1984 ގައި ޕްރައިމަރީ މުދައްރިއްސެއްގެ ގޮތުގައި ހުސެން އިބްރާހިމް ތަމްރީން ކުރެވި ބަނޑަހައެއް ޖަހައިގެން ކިޔަވައިދެވެން ފެށުނެވެ. އަދި ގުރޭޑް 1،2،3 އުފެއްދެވިއެވެ. މިކްލާސްތަކުގައި ކިޔަވައިދެވިފައިވަނީ ދުރޫސުލް އަޙްލާގް ،ތަޢުލީމްދިޔާނާ ، އަދި ތަސްޖީދުލް އަޒްހާރުއެވެ.
ފުރަތަމަ ފަހަރަށް އެއްވައްތަރެއްގެ ހެދުމުގައި ތަޢުލީމް ހާޞިލް ކުރަން ފެށުނީ މިދުވަސްވަރުއެވެ.ފިރިހެންކުދިންނަށް އެޑިޑާސް ސޯޓާއި ހުދު ގަމީސް އަދި އަންހެން ކުދިންނަށް އަތްކުރު ހެނދުންބުރިއާއި ފެހިކުލައިގެ ކަނޑިކިއެއް ބޭނުންކުރެވުނެވެ. މިނިސްޓްރީ އޮފް އެޑިޔުކޭޝަންގައި މި ސްކޫލް ތަޢުލީމު އުގަންނައިދޭ ތަނެއްގެ ގޮތުގައި ރެޖިސްޓްރީ ކޮށްފައިވަނީ 8 ޖޫން 1980 ގައެވެ. 6 އަހަރުވަންދެން ބަނޑަހަގޭގައި ކިޔަވައިދިނުމަށްފަހު މިހާރު ކިޔަވައިދެމުން މިގެންދާ ސްކޫލް އިމާރާތް 1990 ވަނަ އަހަރު ބިންގާ އަޅުއްވައިދެއްވައި 16 ޖުލައި 1990 ގައި ސްކޫލް ހުޅުވި ކިޔަވައިދެވެން ފެށުނެވެވެ. ސުކޫލްގެ ބިންގާއެޅުއްވީ އޭރުގެ އެޑިޔުކޭޝަން މިނިސްޓަރ އަބްދުﷲ ހަމީދުއެވެ. 1991 ގައި 1 މުދައްރިސް އިތުރުކޮށްފައިވެއެވެ.1995 ން 1997 އަށް ޓްރެއިނިން 2 ޓީޗަރުންނާއި ވަގުތީ 4 ޓީޗަރުން މަސައްކަތް ކޮށްފައިވެއެވެ.1993 ގައި ގުރޭޑް 6،7 އުފެދިގެން ދިޔައެވެ. މިގުރޭޑް ތަކުގައި ކިޔަވައިދެވުނީ ދިވެހި، ހިސާބު،ތިމާވެށި،އިސްލާމް، އިނގިރޭސި،ސައިންސް އެވެ.1997 ވަނަ އަހަރު ރައްޔިތުންގެ ޙަރަދުގައި އިތުރު އިނގިރޭސި 1 ޓީޗަރަކު ގެނެސްގެން ކިޔަވައިދެވުނެވެ.
1997 ން ފެށިގެން ޔުނީފޯމް ކޯޑަށްވެސް ބަދަލު އައިސްފައިވެއެވެ.ގުރޭޑް 4 ން މަތީގެ ފިރިހެން ކުދިންނަށް ހުދު ގަމީހަކާއި ކަޅުފަޓުލޫނު އަދި 4 ދަށުގެ ކުދިންނަށް ހުދު ގަމީހަކާއި ކަޅުކުލައިގެ ކުރު ސޯޓް ކޮލެއް އަދި އަންހެންކުދިންގެ ޔުނީފޯމްގެ ގޮތުގައި ތިރިއަށް ރޫޖެއްސި ޔުނީފޯމް ހަމަޖެހިގެންދިޔައެވެ. ގުރޭޑް 10 އެއް އުފެދެންދެން ގުރޭޑް 6،7 ގައި ދަރިވަރުން ރިޕީޓް ކުރަމުން ދިޔަ އެވެ.2004 ވަނަ އަހަރު އާ އޮފީސް ރޫމެއް އަޅައި އޮފީސް ބޮޑުކުރެވުނެވެ.2006 ވަނަ އަހަރު ސާނަވީ ތަޢުލީމް ދެވެންފަށައި ކޮމާސްޓްރީމްގެ މާއްދާތަކުގެ އިތުރުން ހިސާބު،އިނގިރޭސި،ދިވެހި،އިސްލާމް މާއްދާ ކިޔަވައިދެވެނުނެވެ.އަދި އާ ކުލާސް ރޫމަކާއި ލައިބްރަރީ ،ސްޓާރފް ރޫމެއް އަދި ފާޙާނާ ބަރީގެ މަސައްކަތް ފެށި 2007 ވަނަ އަހަރު ވަނީ މިމަސައްކަތް ނިމި ބޭނުންކުރަންފެށިފައެވެ. އަދި 2007 ވަނަ އަހަރު ގުރޭޑް 9 އެއް އުފެދުނެވެ.2008 ޖީ.ސީ.އޯލެވެލް އިމްތިހާނު ގައި ބައިވެރިވެ އިމްތިޙާން ހެދިފައިވެއެވެ.އަދި މިއަހަރުގެ ތެރޭގައި ރައްކާތެރިކޮޓަރިއެއް އިމާރާތްކުރެވި އިމާރާތުގެ ބޭނުންކުރަންވަނީ ފެށިފައެވެ. ޕްރިފެކްޓް ދަރިވަރުން ބޭނުންކުރާ ޔުނީފޯމްގެ ގޮތުގައި ފިރިހެންކުދިންނަށް ހުދު ފަޓުލޫނު ހަމަޖެހުމާއި ސްކޫލްގެ ސެކަންޑް ޔުނީފޯމްގޮތުގައި ފިރިހެންކުދިން 4 މަތީގެ ދަރިވަރުން އޮރެންޖް ގިރުވާނުލީ ޓީސާޓަކާއި، ކަޅު ފަޓުލޫނެއް އަދި4 ން ދަށުގެ ކުދިންނަށް ޓީސާޓާއެކު ކުރު ސޯޓްކޮޅެއް އަދި އަންހެންކުދިންނަށް ޓީސާޓާއިއެކު ޓްރެކްސޫޓްއެއް ހަމަޖެހިގެންދިޔައީވެސް މިއަހަރުގެތެރޭގައވެ. އަދި 2500 ލީޓަރުގެ ބޯފެން ރައްކާކުރާނެ 2 ތާންގީވެސް ވަނީ މިނިސްޓްރިއޮފް އެޑިޔުކޭޝަނުން މިއަހަރުތެރޭގައި ދެއްވާފައެވެ.