ބޮޑުފޮޅުދޫ ސްކޫލްގެ ހައުސްތަކުގެ މެދުގައި ބޭއްވޭ ހޭންޑް ބޯޅަ އަދި ފުޓްސަލް މުބާރާތް 1 މާރިޗް 2018ވަނަ ދުވަހުގެ ހަވީރު ފަށައިފިއެވެ. ފުރަތަމަ ކުޅެވުނީ ހޭންޑް ބޯޅަ މުބާރާތުގެ މެޗެކެވެ. މިމެޗްގައި ބައްދަލުކޮށްފައިވަނީ ކާނި އަދި މިދިލި ހައުސްއެވެ.
މެޗްފެށިފައިވަނީ ހަވީރު 4.30 ގައެވެ. ފުރަތަމަ ހާފުގައި ކާނިހައުސްއިން ރަނގަޅުކުޅުމެއް ދައްކައި ގޯލް ސްކޯރ ކޮށްފައިވީނަމެވެސް މިދިލިހައުސްއިން ކުޅުން ރަނގަޅުކޮށް މްޗްގެ ލީޑް ނެގިއެވެ. އަދި މިމެޗް ކާމިޔާބުކޮށްފައިވަނީ 5-3 އިން މިދިލި ހައުސްޓީމެވެ.
ފުޓްސަލް މުބާރާތުގެ ފުރަތަމަ މެޗްގެ ކުޅުންފެށިފައިވަނީ 1 މާރިޗް 2018 ވަނަ ދުވަހުގެ ރޭ 8.30 ގައި ފުޓުބޯޅަ ދަނދުގައެވެ. މިމެޗްގައި ބައްދަލުކޮށްފައިވަނީ ފުނަ އަދި މިމިލި ހައުސްއެވެ. ފުރަތަމަ ހާފްގެ ކުޅުން ނިމިގެން ދިޔައީ މިދިލި 6-0 ގެ ލީޑަކާއި އެކުއެވެ. އަދި ދެވަނަ ހާފުގެ ކުޅުން ފެށުމާއެކު ފުނަހއުސްގެ ކުޅުން ރަނގަޅުކޮށް 1 ގޯލް ޖެހިއެވެ. ކުޑަވަގުތުކޮޅަކަށް މެޗްގެ ކޮންޓްރޯލް ފުނަ ހޯދާފައިވީނަމަވެސް މާގިނަ އިރުތަކެއް ނުވެ އަނެއްކާވެސް މިދިލިން ސްކޯކޮށް ލީޑް ފުޅާކުރިއެވެ. އަދި މިމެޗް ކާމިޔާބުކޮށްފައިވަނީ 8-1 އިން މިދިލި ހައުސްގެ ޓީމެވެ. ދެޓީމުންވެސް ރީތި ކުޅުމެއް ދައިކައިވާކަން ފާހަގަކުރެވުނެވެ. ހޭންޑް ބޯޅަ މުބާރާތުގެ ދެވަނަ މެޗްގައި ބައްދަލުކުރާނީ މިދިލި އަދި ފުނަހައުސް އެވެ. ފުޓްސަލްގައި ބައްދަލުކުރާނީ ކާނި އަދި ފުނަ ހައުސްއެވެ. ހޭންޑް ބޯޅަ މެޗް އޮންނާނީ 2 މާރިޗްވާ ހުކުރުދުވަހުގެ ހަވީރު 4.15 ގައި ހޭންޑްބޯލް ކޯޓްގައެވެ. އަދި ފުޓްސަލް އޮންނާނީ 3 މާރިޗް 2018ވާ ހޮނިހިރު ދުވަހުގެ ހެނދުނު 6.00ގައެވެ.
Leave a Reply