ބޮޑުފޮޅުދޫ ސްކޫލްގެ ޕްރިފެކްޓް ބޯޑުގެ ދަރިވަރުން ސްކޫލްގައި ކޭމްޕް ކޮށްފިއެވެ. މީ ކޮންމެ އަހަރަކުވެސް ޕްރިފެކްޓް ބޯޑުން ކުރިއަށް ގެންދާ ހަރަކާތެކެވެ. މިހަރަކާތުގައި ޕްރިފެކްޓް ބޯޑްގެ ހުރިހާ ދަރިވަރުންނާއި ގްރޭޑް 10ގެ ދަރިވަރުން ބައިވެރިވެފައި ވެއެވެ. ކޭމްޕް ކުރިއަށް ގެންދިޔައީ ހަތަރު ޕްޓްރޯލަކަސް ބަހާލައިގެންނެވެ. މިގޮތުން ކޭމްޕގައި ހަރަކާތްތެރިވި ހަތަުރު ޕެޓްރޯލަކީ ސަލީފާ، ރާވަޅި، ނާޑު އަދި ދުންތަރި އެވެ. ކޭމްޕްގެ ބައިވެރިން ސްކޫލަށް ކޭމްޕް ކުރުމަށް އައިސްފައިވަނީ ބުރާސްފަތި ދުވަހުގެ ހަވީރު 5.00އަށެވެ. ކޭމްޕްގައި ތަފާތު އެކި ހަރަކާތްތަކާއި ކުޅިވަރުތައް ކުިރިއަށް ގެންދެވުނެވެ. އަދި މީގެ އިތުރުން ކޭމްޕގެ ބައިވެރިންގެ މެދުގައި ހެދިފައިވާ ޕެޓްރޯލްތައް ވާދަކުރާގޮތަށް އެސެސް ކުރާގޮތަށް ކެއްކުމާއި ސާރވް ކުރުމާއި އަދި ޖަހާފައިވާ ކޭމްޕްތަކުގެ ސާފުތާހިރުކަމާއި ހަދާފައިވާ ގެޖެޓްސްތަކާއިގެޖެޓްސް އަތުރާފައިވާ ގޮތްވެސް ބަލާ މާކްސްދީފައިވެއެވެ. މީގެ އިތުރުން ކޭމްޕް ތެރޭގައި ހިންގުނު ތަފާތު ކުޅިވަރުތަކާއި އެހެނިެން ހަރަކާތްތަކުގެ ނަތީޖާ ފާޅުކުރުންވެސް ޖުރިއަށް ގެންދެވުނެވެ.
މުޅިކޭމްޕުން ހުިރިހާ ބަޔަކުން އެއްވަނަ ހާސިލުކޮށްފައިވަނީ ސަލީފާ ޕެޓްރޯލްގެ ދަރިވަރުންނެވެ. ސަލީފާ ޕެޓްރޯޅްގެ އެންމެހާ ބައިވެރިންނަށް ވަރަށް ހޫނު މަރުހަބާއެއް ދަންނަވަމެވެ. ކޭމްޕް ކުރިއަށް ގެންގޮސްފައިވަނީ 19 އެޕްރީލް 2018އިން 21 އެޕްރިލް 2018ގެ ވަނަ ދުވަހުގެ މެންދުރު ފަހަށެވެ. ދަރިވަރުން ވަނީ މިކޭމްޕުން ވަރަށް ގިނަ ގުނަ ސިފަތަކާއި ހުނަރުތައް އަދި ދިރިއުޅުމާ ގުޅޭ ވަރަށް ގިނަކަންކަން ދަސްކޮށްފައެވެ.
Leave a Reply