ދިވެހިރާއްޖޭގެ ހުރިހާ ސްކޫލެއްގައި ޓެބްލެޓް ބޭނުންކޮށްގެން ކިޔަވއިދިނުން ފެށުމަށްޓަކައި މިނިސްޓްރީ އޮފް އެޑިޔުކޭޝަނުން ޓީޗަރުން ތަމްރީނުކުރުމަށް ފެށި ޕްރޮގްރާމްގެ 2 ލެވެލް ކަމުއުގައިވާ ގޫގްލް ފޯ އެޑިޔުކޭޝަން އެޑިޔުކޭޓަރ ލެވެލް 1 އަދި 2 ގެ ޓްރެއިނިން ބޮޑުފޮޅުދޫ ސްކޫލްގެ ހުރިހާ ޓީޗަރުން ކާމިޔާބުކަމާއެކު ފުރިހަމަ ކޮށްފިއެވެ. މި ޓްރެއިނިންގް ފުރިހަމަ ކުރުމަށްޓަކައި ޓީޗަރުންވަނީ ވަރަށް ހީވާގި ކަމާއެކު ވަރަށް ގިނަވަގުތު ޓްރެއިނިންގ ފުރިހަމަކުރުމުގައި ހޭދަކޮށްފައެވެ. ނަތީޖާއަކީ ލެވެލް 1 ގެ ޓްރެއިނިން އ.އ އަތޮޅުން އެންމެ ފުރަތަމަ ނިން،ި ސްކޫލަކަށް ބޮޑުފޮޅުދޫ ސްކޫލް ވިކަމެވެ. ހަމަ މިގޮތަށް އެކުގައި މަސައްކަތްކޮށް ލެވެލް 2 ގެ ޓްރެއިނިންގވެސް މިވަނީ ވަރަށް ކާމިޔާބުކަމާއެކު ހުރިހާ ޓީޗަރުން ފުރިހަމަކޮށް ނިންމާލާފައެވެ. އަދި އއ އަތޮޅުގެ ސްކޫލްތަކުގެ ތެރެއިން ދެވަނަ އަށް ހުރިހާ ޓީޗަރުން ނިންމި ސްކޫލަކަށް ވެފައިވަނީ މިސްކޫލެވެ.
ުލިބުނު ކާމިޔާބީ ފާހަގަކުރުމާއި އަދި މަސައްކަތްތެރިންގެ ދުވަސް ފާހަގަކުރުމުގެ ގޮތުން މިރޭ 8.45ގައި ސްކޫލްގެ ހުރިހާ މުވައްޒަފުންނަށް ވަރަށް ޚާއްސަ ރޭގަނޑުގެ ފަރިއްކޮޅެއް ދިނުމަށް ހަމަޖެހިފައިވާ ކަމަށް އެސްކޫލުން މައުލޫމާތު ދެއެވެ.
Leave a Reply