ބޮޑުފޮޅުދޫ ސްކޫލްގައި ކުޑަކުދިންގެ ދުވަސް ވަރަށް ކުލަގަދަކޮށް ފާހަގަކޮސްފިއެވެ. މިދުވަސް ފާހަގަކުރުމުގެ ގޮތުން ސްކޫލްގައިވަނީ މިއަދު ޚާއްސަ ހަރަކާތްތަކެއް ހިންގާފައެވެ. ކުޑަކުދިންގެ ދުވަސް ފެށުމުގެ ގޮތުން މިއަދު ހެނދު ޚާއްސަ އެސެމްބްލީއެއް ބޭއްވުނެއެވެ. މިއެސެމްބްލީ އޮތީ ހެނދުނު 7.00ގައެވެ. މި އެސެމްބްލީގައި ސްކޫލްގެ ހުރިހާ ދަރިވަރުންނާއި މުދައްރިސުން އަދި އިދާރީ މުވައްޒަފުންނާއި ބެލެނިވެރިން ބައިވެރިވެފައި ވެއެވެ. އެސެމްބްލީގައި ދުވަހާ ގުޅޭ ގޮތުން ޕްރިންސިޕަލް ވާހަކަ ދައްކަވާފައިވެއެވެ. ސްކޫލްގައި ބޭއްވުނު އިންޓަރހައުސް ހޭންޑްބޯޅަ މުބާރާތާއި ފުޓްސަލް މުބާރާތުގެ ނަތީޖާ ފާޅުކޮށް ވަނަވަނައަށް އައިފަރާތްތަކަށް ޓްރޮފީއާއި މެޑަލް ދެވުނެވެ.
އެސެމްބްލީ ނިންމާލީ ސްކޫލް ލަވައިން 8.15ގައެވެ. އެސެމްބްލީއަށްފަހު ހުރިހާ ދަރިވަރުންނާއި ބެލެނިވެރިންނާއި އަދި މުވައްޒަފުންނަށް ހެނދުނުގެ ސައި ސްކޫލުން ބޮވޭނެ އިންތިޒާމް ހަމަޖެހިފައި އޮތެވެ. ހެނދުނުގެ ނާސްތާއަށްފަހު 8.45ގައި ސްޓޭޖް ހަރަކާތްތައް ފެށުނެވެ. ސްޓޭޖް ހަރަކާތްތަކުގެ ތެރޭގައި ދަރިވަރުންނާއި މުދައްރިސުންގެ ތަފާތު އެކި ހުށަހާދިނުންތައް ކުރިއަށް ގެންގޮސްފައިވެއެވެ. މީގެ ތެރޭގައި މުވައްޒަފުންގެ ފަރާތުން ދަރިވަރުންނަށް ހުށަހަޅައިދިން ތި ހަރަކާތަކާއި އެލް.ކޭ.ޖީ އަދި ޔޫކޭޖީން ފެށިގެން ގްރޭޑް 6 އާ ހަމައަށް ކޮންމެ ކުލާހަކުން މަދުވެގެން އެއް އައިޓަމް ހުށަހަޅާދީފައި ވެއެވެ.
ކުޑަކުދިންގެ ދުވަސް ފާހަގަކުރުމަށްޓަކައި ކުޑަކުދިންނަށް ޙާއްސަ ހަވީރެއްވެސް މިއަދު ހަވީރަށް ވަނީ އިންޒާމްކޮށްފައެވެ. މި ހަވީރުގައި ތަފާތު އެކި ކުޅިވަރު ސްޓޯލްތައް ހުންނާނެކަމަށް ސްކޫލުން މައުލޫމާތު ދެއްވައެވެ.
Leave a Reply