ހޭންޑްބޯޅަ މުބާރާތުގެ ފައިނަލުން ޖާގަ ކަށަވަރުކޮށްފި!

ބޮޑުފޮޅުދޫ ސްކޫލްގެ ހައުސްތަކުގެ މެދުގައި ބޭއްވޭ ހޭންޑް ބޯޅަ މުބާރާތުގެ ދެވަނަ މެޗުގައި ބައްދަލުކުރީ ފުނަ ހައުސް އަދި މިދިލި ހައުސްގެ ޓީމެވެ.

މެޗްފެށިފައިވަނީ މިއަދު ހަވީރު 4.30 ގައެވެ. ފުރަތަމަ ހާފުގައި މިދިލިން ރަނގަޅުކުޅުމެއް ދައްކައި 2 ގޯލް ސްކޯކުރިއެވެ. އެއަށް ފަހު ފުނަހައުސްއިން ފަހަތުން އަރާ 1 ގޯލް ކާމިޔާބުކުރިއެވެ.ދެވަނަ ހާފުގެ ކުޅުން ފެށުމާއެކު ފުނަހައުސް ޓީމުން ކުޅުން ރަނގަޅުކޮށް 2 ވަނަ ގޯލް ކާމިޔާބުކޮށް ނަތީޖާ އެއްވަރު ކުރިއެވެ. އެހެންނަމަވެސް މާގިނައިރުތަކެއް ނުވެ މިދިލިން 3 ވަނަ ގޯލް ކާމިޔާބުކޮށް 1 ގޯލްގެ ލީޑެއް ނެގިއެވެ. އަދި މިމެޗް ކާމިޔާބުކޮށްފައިވަނީ 2-3 އިން މިދިލި ހައުސްޓީމެވެ. މިނަތީޖާއާއެކު ހޭންޑް ބޯޅަ މުބާރާތުގެ ފައިނަލްގައި އެއްކޮޅުން ކުޅޭނީ މިދިލިކަން މިހާރު މިވަނީ ކަށަވަރު ކުރެވިފައެވެ.