މިނިސްޓްރީ އޮފް އެޑިޔުކޭޝަނުން ތިމާވެއްޓަށް ދަރިވަރުން އަހުލުވެރިކުރުމަށް ފައްޓަވާފައިވާ ފަރުކޮއެ ޕްރޮގްރާމާބެހޭ މައުލޫމާތު ދަރިވަރުންނާއި މުދައްރިސުންނާއި މުވައްޒަފުން އަދި ބެލެނިވެރިނަށް ހިއްސާކޮށްފިއެވެ. މީގެ އިތުރުން ފަރުކޮއެ ޕްރޮގްރާމް ގައި ހިމެނޭ ފަރުބަލާލުމުގެ ބައިވެސް ވަނީ ހުިރހާ ދަރިވަރުން ފުރިހަމަ ކޮށްފައެވެ. ފަރުބެލުމުގެ ބައި ކުރިއަށް ގެންގޮސްފައިވަނީ ކޮންމެ ދުވަހަކު 2 ކުލާސް މޫދަށް ގެންގޮސް ފަރު ދައްކާ ގޮތަށް ތާވަލުކޮށްލައިގެންނެވެ. މިގޮތުން މޫދު ޕްރޮގްރާމްގެ ފުރަތަމަ ދުވަހު ފަރުބެލުމަށް ގެންދިޔައީ އެލް ކޭޖީ އަދި ޔޫ ކޭގީ ގުރޭޑް 1 ގެ ދަރިވަރުްނެވެ. މިހަރަކާތް ކުރިއަށް ގެންގޮސްފައިވަނީ 13 އެޕްރިލް 2018ވަނަ ދުވަހުގެ ހެނދުނުއެވެ.
ގުރޭޑް 2 އަދި 3 ގެ ދަރިވަރުންނަށް ފަރު ދެއްކުން ކުރިއަށް ގެންގޮސްފައިވަނީ 16 އެޕްރިލް 2018 ވަނަ ދުވަހުގެ ހެނދު ގެސްޓްހައުސް ބީޗްސަރަހައްދުގައެވެ. 17 އެޕްރިލް 2018ވަނަ ދުވަހު ކުރިއަށް ގެންގޮސްފައިވަނީ ގުރޭޑް 4 އަދި 5 ގެ ދަރިވަރުންނަށެވެ. އަދި ގުރޭޑް 6ން 10ގެ ދަރިވަރުންނަށް ފަރުދެއްކުމުގެ ބައި ކުރިއަށް ގެންގޮސްފައިވަނީ އެޕްރީލް 18 ވަނަ ދުވަހުގެ އެވެ. ފަރުކޮއެ ޕްރޮގްރާމގެ ފަރުދެއްކުމުގެ ަބއި ކުރިއަށް ގެންގޮސް ކާމިޔާބުކަމޢެކު ނިންމާލެވިފައިވަނީ ބޮޑުފޮޅުދޫ ސްކޫލްގެ ހުރިހާ މުވައްޒަފުންނާއި ދަރިވަރުން އަދި ބެލެނިވެރިންގެ އިތުރުން ރަށުގެ އެކި މުއައްސަސާތަކުގެ ފުރިހަމަ އެއްބާރުލުމާ އެހީތެރިކަމާއެކުއެވެ. މިކަމަށްޓަަކައި ފަރުކޮއެ ޕްރޮގްރާމް ކުރިއަށް ގެންދިއުމުގަ އެހީތެރިކަން ފޯރުކޮށްދެއްވި ހުިރހާ ފަރާތްތަކަށް ސްކޫލްގެ ފަރާތުން ވަރަށް ބޮޑަށް ޝުކުރު ދަންނަވަމެވެ. ފަރުކޮއެ ޕްރޮގްރާމްގެ ސްނޯކްލިންގ ބައިގައި ސްކޫލްގެ 159 ދަރިވަރުންނާއި 100 ބެލެނިވެރިންނާއި އަދި 34 މުވައްޒަފުން ބައިވެރިވެފައިވެއެވެ.
Leave a Reply