މިއަހަރުގެ އޮގަސްޓް މަހުގެ 5 ވީ އާދިއްތަ ދުވަހުގައި އއ.ބޮޑުފޮޅުދޫ ސުކޫލުން ވަރަށް ކުލަގަދަ ގޮތެއްގައި، “ބެލެނިވެރިންގެ ދުވަސް”ފާހަގަކޮށްފިއެވެ. މިދުވަސް ފެށިގެން ދިޔައީ، ބެލެނިވެރިންނަށް ބޭއްވުނު ޙާއްސަ އެސެންބުއްޔަކުންނެވެ. ބެލެނިވެރިންނަށް މަރުހަބާ ކިޔުމުގެ ގޮތުން ކޮންމެ ބެލެނިވެރިޔަކަށް މަލެއް ވެދުން ކުރެވުނެވެ. އަދި އެސެމްބުލީ ނިންމާލީ ކަރު ތެއްމާލުމަކުންނެވެ.
މިދުވަހުގެ ޙާއްސަ ހަރަކާތެއް ގޮތުގައި، ކުލާސްރޫމުގައި ކިޔަވައި ދިނުމާއި، އެކަޑަމިކް މަސައްކަތް ތަޖުރިބާ ކޮއްލުމަށް ދެވުނު ފުރުސަތުގެ ބޭނުން ވަރަށް ފުރިހަމަ ގޮތުގައި ހިފައިފައިވާކަން ފާހަގަކޮށްލެވެއެވެ. ހަމައެއާއެކު ދެގުރޫޕަކައް ބަހާލެވިގެން ގެންދެވުނު ކުޅިވަރުގެ ހަރަކާތްތަކުގައި، ވަރަށް ފުރިހަމަ އެއްބާރުލުމެއް ބެލެނިވެރިންގެ ފަރާތުން ލިބިގެންގޮސްފައިވެއެވެ. ބެލެނިވެރިން ދުވަހުގެ އެއްމެ ޙާއްޞަ ހަރަކާތެއް ގޮތުގައި ފާހަގަކުރެވިފައިވަނީ، ބޮޑުފޮޅުދޫ ސުކޫލްގެ މުއައްޒަފުން އިންތިޒާމުކޮއްގެން، ބެލެނިވެރިންނަށް ދެއްވި ރޭގަނޑުގެ
ފަރިއްކޮޅެކެވެ. މިފަރިއްކޮޅަށް ހާޒިރުވި ބެލެނިވެރިންނަށް މަރުހަބާ ކިޔާފައިވަނީ ރަތްދޫލާގައެވެ. އަދި މުނިފޫހި ފިލުވުމުގެ ގޮތުން، ބޮޑުފޮޅުދޫ “ކަޅުފޮއި” ބޮޑުބެރު ގުރޫޕްގެ ފަރިހަރަކާއްތައް ގެނެސްދީފައިވެއެވެ. މިގޮތުން މިފަރިއްކޮޅު ކުރިއަށްދިޔައިރު، ދެފަރާތުންވެސް ސަޕްރައިޒްތައް ބަދަލުކޮއްފައިވާކަން ފާހަގަކުރެވުނެވެ. މިގޮތުން، ބެލެނިވެރިން ދިވެހި ސަޤާފީ ހެދުންތައް ދައްކުވައި ދިނުމުގެ އިތުރަށް، ސުކޫލު ސުޓާފުންނަށް ބޮޑު އިނާމުގެ ނަމުގައި، އިނާމެއް ހަދިޔާކޮއްފައިވެއެވެ. މި ދެގުރޫޕްގެ މެދުގައި ވާދަވެރިކަމާއެކު ގެންދެވުނު ހަރަކާތްތަކުން
ވަނަވަނައަށް އައި ފަރާއްތަކަށް އިނާމު ހަވާލުކުރެވުނެވެ.
މިފަރިއްކޮޅު ނިއްމާލެވުނީ އއ.ބޮޑުފޮޅުދޫ ސުކޫލުން ޕޭރެންޓުންނަށްހުށައެޅި ‘ސަޕްރައިޒް ބޮޑު އިނާމް” ގުރުއަތުން ލިބުނު ފަރާތް (ބުސްރީ އަހުމަދު، ޖަވާހިރުމާގެ/އއ.ބޮޑުފޮޅުދޫ) އިއުލާންކުރުމަށް ފަހުގައެވެ. މިދުވަސް ވެގެންދިޔައީ ބޮޑުފޮޅުދޫ ސުކޫލްގެ ބެލެނިވެރިންނަށާއި، ސުކޫލް މުއައްޒަފުންނައް ވަރަށް ހިތްހަމަޖެހުން ގެނުވައިދިން ދުވަހެއްގެ ގޮތުގައެވެ.
Leave a Reply