ބޮޑުފޮޅުދޫ ސުކޫލުގެ ބެލެނިވެރިންނަށް އަމާޒުކޮށްގެން އާކަރިކިއުލަމްގެ ތެރެއިން ދަރިވަރުންގެ ފެންވަރު ވަޒަންކުރާ ގޮތުގެ މައުލޫމާތު ދީ އާ މަންހަޖަށް ބެލެނިވެރިން ހޭލުންތެރިކުރުވުމުގެ ގޮތުން މައުލޫމާތު ސެޝަނެއް ވަނީ ބާއްވާފައެވެ. މި މައުލޫމާތު ސެޝަން ބާއްވާފައިވަނީ 3 މާރިޗް 2020ވަނަ ދުވަހުގެ ރޭ 8.45ގައި ބޮޑުފޮޅުދޫ ސްކޫލްގެ ހޯލްގައެވެ. މި ސެޝަން ފައްޓަވާދެއްވުމުގެ ގޮތުން ޕްރިންސިޕަލް މޫސާ ނިމާލް ވަނީ މައުލޫމާތު ސެޝަނެއް ބޭއްވުމުގެ މުހިންމުކަމާއި ބޭނުންތެރިކަމުގެ މައްޗަށް އަލި އަޅުވާ ވާހަކަފުޅު ދައްކަވާފައެވެ.
މައުލޫމާތު ސެޝަން ބެލެނިވެރިންނަށް ނަންގަވާދެއްވާފައިވަނީ ނެޝަނަލް އިންސްޓިޓިއުޓް އޮފް އެޑިޔުކޭޝަންގެ އެޑިޔުކޭޝަން އޮފިޝަރ، ކޯރޑިނޭޓަރ ނިއުމާ މުހައްމަދެވެ. މިސެޝަންގައި ބެލެނިވެރިންގެހިތުގައި ކަރިކިއުލަމާ އަދި ފެންވަރު ވަޒަންކުރުމާ ބެހޭގޮތުން އުފެދިފައިވާ ޝައްކުތަކާ ސުވާލުތަކަށްވަނީ ޖަވާބުދެއްވާފައެވެ. މި ބައްދަލުވުމުގައި 80 އަށްވުރެ ގިނަ ބެލެނިވެރިންވަނީ ބައިވެރިވެފައެވެ. ބައްދަލުވުމަށް ހާޒިރުވި ބެލެނިވެރިން މައުލޫމާތު ދެއްވިގޮތުގައި ބެލެނިވެރިންނަށް މީގެ ކުރިން ނޭނގޭ ވަރަށްގިނަ އިތުރު މައުލޫމާތު ރޭގެ ބައްދަލުވުމުން ވަނީ އޮޅުންފިލާފައެވެ.
Leave a Reply