ބޮޑުފޮޅުދޫ ސުކޫލު ޓީޗަރުންނަށް އަމާޒުކޮށްގެން ނެޝެނަލް ކަރިކިޔުލަމް އަދި އެސެސްމަންޓް ފޯރ ލާރނިންގ އަށް އަހުލުވެރި ކުރުވުމުގެ ގޮތުން ވޯކުޝޮޕެއް ހިންގައިފިއެވެ. މި ވޯކުޝޮޕް ކުރިޔަށް ގެންގޮސްފައިވަނީ މިއަހަރުގެ ދެވަނަ ޕުރޮފެޝަނަލް ޑިވެލޮޕްމެންޓު ދުވަހުގެ ގޮތުގައެވެ.
4 މާރިޗް 2020 ވީ ބުދަ ދުވަހު، ބޮޑުފޮޅުދޫ ސުކޫލުގައި ކުރިޔަށްގެންދިޔަ މި ވޯކުޝޮޕު ނަންގަވައިދެއްވީ ނެޝަނަލް އިންސްޓިޓިއުޓު އޮފް އެޑިޔުކޭޝަންގެ، އެޑިޔުކޭޝަން އޮފިސަރ، ކޯޑިނޭޓަރ އަލްފާޟިލާ ނިއުމާ މުޙައްމަދެވެ.
އެއްދުވަހުގެ ނިޔަލަށް ކުރިޔަށް ގެންދިޔަ މި ވޯކްޝޮޕްގައި މައިގަނޑުގޮތެއްގައި އަލިއަޅުވާލާފައިވަނީ ނެޝަނަލް ކަރިކިއުލަމްގެ ބައިތަކާއި، އެސެސްމެންޓު ފޯރ ލާރނިންގައި ކުރިޔަށް ގެންދެވިދާނެ ޚަރަކާތްތަކުގެ މައްޗަށެވެ. މި ވޯކުޝޮޕު ކުރިޔަށް ގެންދިޔައިރު، ޓީޗަރުންގެ ހިތުގައި ކަރިކިއުލަމާއި މެދު އުފެދިފައިވާ ސުވާލުތަކުގެ ޖަވާބު ވަނީ ވަރަށް ރަނގަޅަށް އޮޅުންފިލުވައި ދެއްވާފައެވެ.
މިވޯކުޝޮޕް ނިންމުމުގެ ގޮތުން، ވޯކުޝޮޕުގައި ބައިވެރިވި ބައިވެރިންނަށް ވަނީ ހަނދާނީލިޔުން ދެއްވާފައެވެ. މިއީ ކަރިކިއުލަމްއާ ގުޅޭގޮތުން ވަރަށް މުހިންމު އަގުހުރި މައުލޫމާތުތަކެއް ލިބިގެން ދިޔަ ވޯކުޝޮޕެއްގެ ގޮތުގައި . ބައިވެރިންވަނީ ފާހަގަކޮށްފައެވެ. މިވޯރކްޝްޕްގައި މިސްކޫލްގެ 34 މުވައްޒަފަކު ބައިވެރިވެ 8 ގަޑި އިރުގެ ޕީ.ޑީ ވަނީ ފުރިހަމަ ކޮށްފައެވެ.
Leave a Reply